questo xe l'ultimo tentativo che fasso de farme un blog parchè, fin desso, i me tentativi xe 'ndai malamente e si che no sò proprio stupido e gnanca arteriosclerotico, mi vogio aver un mezo par farghe conosser ai me amissi le poesiole in venessian che ogni tanto scrivo, go cominsià nel 1979 e, quando che me vien l'ispirassion, me diverto un mondo.Adesso ve ne fasso lesar una fresca fresca:

Cronache rialtine

Al mondo succede dei fati assai gravi
La nostra Rialto no ga più imbriaghi

In cambio ne riva, ormai xe da mesi

Cofà e formigole tanti cinesi

i vien coe valise stracolme de grana

E i ga comprà tuto! so mare …….!!!

Parchè i comercianti de ieri e de’ncuo

Coi vede i contanti se vende anca ‘l ….!!

El bon Marco Polo garbato e cortese

El ga comercià co l’impero cinese

Vivendo, par ani, ala corte del kan

El sa guadagnà ‘ l so bel toco de pan

Però no voria che co sta invasion

Rialto deventa cofà china town

Francesco (5 agosto 2005)